Lánabreytingar

Eftir útgáfu láns geta komið upp aðstæður sem kalla á breytingar á láni, til dæmis vegna kaupa á nýju húsnæði, tímabundna breytinga á tekjum, tímabundinna greiðsluerfiðleika, fæðingarorlofs eða atvinnuleysis.

Öllum breytingum á lánum þarf að þinglýsa og í sumum tilfellum þarf samþykki síðari veðhafa. Samþykki síðari veðhafa, er átt við að ef aðrar lánastofnanir eru með veð á eigninni á eftir láni sjóðsins þarf sú lánastofnun að samþykkja breytinguna.

Ef breyting hefur í för með sér meira en 20% hækkun á greiðslubyrði þarf að fara í gegnum greiðslumat.

Við kaup og sölu eigna er hægt að flytja lán á milli eigna.

Í sumum tilfellum getur verið hagstæðara að flytja núverandi lán á nýju eignina frekar en að taka nýtt lán. Það fer eftir kjörum eldra lánsins og þeim kröfum sem eru í boðið á nýjum lánum.

Skilyrði fyrir veðflutningi er að lánið sé í skilum og að veðstaða láns eftir veðflutning fari ekki umfram hámarksveðhlutfall hjá sjóðnum.

Greiðendur á veðflutta láninu þurfa að vera þeir sömu og þinglýstir eigendur á eigninni sem veðflutt er á.

Veðflutningur er háður samþykki sjóðsins.

Við kaup og sölu eigna er hægt að láta áhvílandi lán fylgja eigninni ef kaupandi er sjóðsfélagi og hefur lánsrétt hjá sjóðnum. Í slíkum tilvikum þarf að nafnbreyta láninu.

EF óskað er eftir því að fella út annan skuldarar af láni eða bæta við nýjum skuldarar, þarf í báðum tilfellum að framkvæma greiðslumat. Ef verið er að bæta við skuldara þá þarf sá einstaklingur að vera maki (hjón eða óvígð sambúð) upphaflegs skuldara sem og þinglýstur eigandi eignarinnar.

Lánshæfis- og greiðslumeta þarf við nafnbreytingu í öllum tilfellum.

• Umsókn um skuldaraskipti á láni.
• Kaupsamningur/kauptilboð, afsal (ef við á)